And thus necessitee in either is.
For in him nede of sitting is, y-wis,
And in thee nede of sooth; and thus, forsothe, 1035
Ther moot necessitee ben in yow bothe.
That thyn opinion of sitting soth is;
But rather, for the man sit ther bifore,
Therfore is thyn opinion sooth, y-wis. 1040
And I seye, though the cause of sooth of this
Comth of his sitting, yet necessitee
Is entrechaunged, bothe in him and thee.
I may wel maken, as it semeth me, 1045
My resoninge of goddes purveyaunce,
And of the thinges that to comen be;
By whiche reson men may wel y-see,
That thilke thinges that in erthe falle,
That by necessitee they comen alle. 1050
Therfore is it purveyed, certaynly,
Nat that it comth for it purveyed is:
Yet nathelees, bihoveth it nedfully,
That thing to come be purveyed, trewely;
Or elles, thinges that purveyed be, 1056
That they bityden by necessitee.
For to destroye our free chois every del.—
But now is this abusion to seyn, 1060
That fallinge of the thinges temporel
Is cause of goddes prescience eternel.
Now trewely, that is a fals sentence,
That thing to come sholde cause his prescience.
But that god purveyth thing that is to come
For that it is to come, and elles nought?
So mighte I wene that thinges alle and some,
That whylom been bifalle and over-come,
Ben cause of thilke sovereyn purveyaunce, 1070
That for-wot al with-outen ignoraunce.
That right as whan I woot ther is a thing,
Y-wis, that thing mot nedefully be so;
Eek right so, whan I woot a thing coming, 1075
So mot it come; and thus the bifalling
Of thinges that ben wist bifore the tyde,
They mowe not been eschewed on no syde.’
That wost of al this thing the soothfastnesse, 1080
Rewe on my sorwe, or do me deye sone,
Or bring Criseyde and me fro this distresse.’
And whyl he was in al this hevinesse,
Disputinge with him-self in this matere,
Com Pandare in, and seyde as ye may here. 1085
Ey! who seigh ever a wys man faren so?
Why, Troilus, what thenkestow to done?
Hastow swich lust to been thyn owene of?
What, parde, yet is not Criseyde a-go! 1090
Why lust thee so thy-self for-doon for drede,
That in thyn heed thyn eyen semen dede?
With-outen hir, and ferd ful wel at ese?
Artow for hir and for non other born?
Hath kind thee wroughte al-only hir to plese? 1096
Lat be, and thenk right thus in thy disese:
That, in the dees right as ther fallen chaunces,
Right so in love, ther come and goon plesaunces.
Why thou thus sorwest, sin thou nost not yit, 1101
Touching hir goinge, how that it shal falle,
Ne if she can hir-self distorben it.
Thou hast not yet assayed al hir wit.
A man may al by tyme his nekke bede 1105
Whan it shal of and sorwen at the nede.
I have with hir y-spoke and longe y-be,
So as accorded was bitwixe us tweye.
And ever-mo me thinketh thus, that she
Hath som-what in hir hertes prevetee,
Wher- with she can, if I shal right arede,
Distorbe al this, of which thou art in drede. 1113
Thou to hir go, and make of this an ende;
And blisful Juno, thourgh hir grete mighte, 1116
Shal, as I hope, hir grace un-to us sende.
Myn herte seyth, “certeyn, she shal not wende;”
And for-thy put thyn herte a whyle in reste; 1119
And hold this purpos, for it is the beste.’
‘Thou seyst right wel, and I wil do right so;’
And what him liste, he seyde un-to it more.
And whan that it was tyme for to go,
Ful prevely him-self, with-outen mo,
| Previous chapter/page | Back | Home | Email this | Search | Discuss | Bookmark | Next chapter/page |